Mekdebimiziň täzelikleri

“Parahatçylyk we ynanyşmak - dost-doganlygyň kepili” atly bilim bäsleşiginde gazanan üstünlikleri

Türkmenistanyň Söwda we daşary ykdysady aragatnaşyklar
ministrliginiň Söwda-kooperatiw mekdebiniň talyplarynyň “Parahatçylyk we ynanyşmak-dost-doganlygyň kepili” atly bilim bäsleşiginde gazanan üstünlikleri

      Türkmenistanyň hemişelik Bitaraplygynyň 30 ýyllygy hem-de “Halkara parahatçylyk we ynanyşmak ýyly”
mynasybetli Türkmen döwlet maliýe institutynyň “Daşary ýurt dilleri”
kafedrasynyň guramagynda “Parahatçylyk we ynanyşmak - dost-doganlygyň kepili”
atly tema boýunça bäsleşikleri geçirmegiň tertibine laýyklykda, instituta berkidilen
Türkmenistanyň Gahrymany Atamyrat Nyýazow adyndakyÝöriteleşdirilen bank
mekdebiniň we Türkmenistanyň Söwda we daşary ykdysady aragatnaşyklar ministrliginiň
Söwda-kooperatiw mekdebiniň talyp ýaşlarynyň arasynda iňlis dilinde düzme
ýazmak online bäsleşigi geçirildi.

      Çekeleşikli geçen bäsleşikde Söwda-kooperatiw mekdebiniň talyplary Oguljennet Annageldiýewa 2-nji oruna,
Aýjemal Annamuhammedowa we Kowusmyrat Orazgeldiýew 3-nji orunlara mynasyp
boldular. Ýeňiş gazanan talyplarymyz Hormat hatlary we sowgatlar bilen
sylaglandylar. Biz hem talyplarymyzy gazanan ýeňişleri bilen mähirli
gutlap, geçirilýän bäsleşiklerde mundan beýläk hem uly üstünlikleriň ýaran
bolmagyny arzuw edýäris.

Ýaşlara şeýle giň mümkinçilikleri döredip berýän Türkmen halkynyň Milli Lideri Gahryman Arkadagymyza 

Hormatly Prezidentimiz Arkadagly Gahryman Serdarymyza tüýs
ýüregimizden sag bolsun aýdýarys. Türkmen halkynyň Milli Lideri Gahryman Arkadagymyzyň
Hormatly Prezidentimiz Arkadagly Gahryman Serdarymyzyň janlary sag, başlary dik, il-ýurt bähbitli
alyp barýan işleri hemişe rowaçlyklara beslensin!